चर्चित बलिउड अभिनेता शाहिद कपुर, विजय सेतुपाथी र केके मेनन र राशी खन्नाको अभिनय रहने वेब सिरिजको छायाङ्कन नेपालमा हुने भएको छ । ‘फेक’ शीर्षको क्राइम थ्रिलर सिरिजमा यी चार कलाकार लिड रोलमा देखिनेछन् ।

नेपालमा लोकेसन खोजीका लागि यतिबेला निर्देशकद्वय कृष्णदशारा कोथापाली र राज निदिमोरुसहित १७ जनाको टिम नेपालमा छ । नेपालमा छायाङ्कनको व्यवस्था थ्री ह्विलर्स फिल्म्स प्रालिले मिलाएको हो ।
“यो क्राइम थ्रिलर वेब सिरिज हो । जसको छायाङ्कन नेपालमा हुँदैछ । उहाँहरू हिजोमात्र नेपाल आइपुग्नुभएको थियो । आज हामीले वसन्तपुर दरबार स्क्वायरको एरिया हेर्‍यौँ । भोलि भक्तपुर दरबार स्क्वायर, एयरपोर्ट लगायत काठमाडौंकै केही ठाँउ हेर्छौँ,” थ्री ह्विलर्सका सस्थापक तथा निर्देशकमध्येका एक पुष्पराज न्यौपानेले भने र

उनकाअनुसार यो वेब सिरिज काठमाडौं उपत्यकाभित्र मात्रै छायाङ्कन गरिनेछ । वेब सिरिज टिम यही नोभेम्बर १५ तारिखसम्म नेपालमा बस्नेछ । त्यसपछि भारत फर्केर डिसेम्बरको पहिलो साताबाट छायाङ्कन गर्ने तयारीसहित नेपाल आउने उनले बताए ।