हरर फिल्म ‘कठपुतली’ को मोशन पोस्टर सार्वजनिक भएको छ । निर्माण टिमले सार्वजनिक गरेको मोशन पोस्टरमा प्रयोग गरिएको ब्याकग्राउन्ड स्कोरले थ्रिल गराउन सफल छ । पृष्ठभूमिमा महिलाको चर्को आवाज सुनिन्छ ।

गत महिना अमेरिकाको इन्टरनेशनल फिल्म फेस्टिभल ‘विन्टर फिल्म अवार्ड’ मा दुईवटा अवार्ड जितेको यो चलचित्रमा गौरी मल्ल, मिथिला शर्मा, कर्मा, शिल्पा माष्के, उषा रजक, सुवर्ण थापा लगायतको अभिनय छ ।भिमसेन लामाले निर्देशन गरेको चलचित्र पुस–माघसम्म प्रदर्शन गर्ने तयारी गरिएको निर्माण पक्षले जनाएको छ ।