नेपाली बजारमा सुनको मूल्य आज बढेको छ । सुनचाँदी व्यवसायी महासंघका अनुसार हिजो सुनको मूल्य प्रतितोला ८९ हजार ६ सयमा कारोबार भएकोमा आज तोलामा २ सयले बढेको हो ।

महासंघका अनुसार आज छापावाल सुनको मूल्य प्रतितोला ८९ हजार ८ सय रहेको छ भने तेजावी सुनको मूल्य ८९ हजार ३५० रहेको छ । त्यस्तै, आज चाँदीको मूल्य पनि बढेको छ । हिजो चाँदीको मूल्य ११४० मा कारोबार भएकोमा आज बढेर प्रतितोला ११६० रुपैयाँ मूल्य कायम गरिएको महासंघले जनाएको छ ।