झरना थापा निर्देशित फिल्म ए मेरो हजुर ४ को रिलिज मिति तय भएको छ। आगामी चैत्र २५ गते हलमा नै फिल्म रिलिज गरिने फिल्म निर्माण टिमले जनाएको छ। निर्माता सुनिलकुमार थापा र झरना थापाले फेसबुकमार्फत फिल्मको रिलिज मितिबारे जानकारी दिएका हुन्।

यसअघि भाद्र १८ गते फिल्म रिलिज गर्ने भनिएको थियो। तर कोरोना भाइरस संक्रमणका कारण रिलिज मिति पछि सारिएको हो।अहिले प्रशासनले उपत्यकाका ५० प्रतिशत अकुपेन्सीमा हल खुल्न दिने निर्णय गरेसँगै यो फिल्मको प्रदर्शन मिति तोकेको हो। हाल फिल्मको पोष्ट प्रोडक्सनको काम चलिरहेको छ।