निर्देशक मुकुन्द भट्टले केहि समय अघि फिल्म ‘एक्स ९’ बनाउने घोषणा गरेका थिए। जुन फिल्ममा अभिनय गर्न बलिउड अभिनेता सुनिल सेट्टीलाई अफर गरिएको छ।

निर्देशन मुकुन्द भट्टको आफ्नो फिल्म ‘एक्स ९’मा सेट्टीलाई भिलेनको भूमिकाका लागि अफर गरेका हुन्। एक महिना अगाडि फिल्म अभिनयको विषयमा सेट्टीसँग कुराकानी भएको समेत भट्टले जानकारी दिए।उनी खलपात्रमा देखिएपनि भूमिका भने सस्पेन्स नै छ। शेट्टी पनि अभिनयका लागि सकरात्मक रहेको उनको भनाई छ। यसअघि पनि भट्टले फिल्म ‘लप्पन छप्पन’ र ‘लप्पन छप्पन २’ निर्देशन गरिसकेका छन्।

फिल्मको मुख्य भूमिकामा अनमोललाई अफर गरिएको र उनी पनि काम गर्न तयार रहेको निर्देशक भट्टले बताए। फिल्ममा अनमोलका साथै सौगात मल्ल, पुष्प खड्का, अनुप विक्रम शाही लगायतको भुमिका रहेको छ। तर, अभिनेत्रीको भने केहि फिक्स हुन सकेको छैन।