लामो समयदेखि नेपाली गीत संगीतमा लागी परेका प्रमोद निर्वाणले फेरी बिल्कुलै फरक गीत ‘मायामा’को छायांकन सुरु गरेका छन्।

गीत, एरेन्ज, कम्पोज तथा निर्देशन समेत गरेका ‘मायामा’को प्रमोदले काठमाण्डौको हात्तिसारमा अबस्थित टेम्पल ट्रि बाट सुटिङ सुरु गरेका हुन्।
केहि दिनमा काठमाडौंको रमणीय स्थल नगरकोटमा पनि बाँकी रहेको म्युजिक भिडियो शूटिंङ गर्ने प्रमोदले बताएका छन्।

गीतमा प्रमोद र अजय शाहीले र्याप गाएका छन् । एम के मगरले भीडियो संयोजन गरेको गीतमा बिनीता पुरीको मेकअप कार्य रहेको छ। चुडामणि फुयाल(सि यम) नृत्य निर्देशन रहेको गीतमा अजय शाही र डिलु श्रेष्ठले अभिनय गरेका छन् ।गीत नयाँ वर्षको अवसरमा सार्वजनिक गरिने कुरा निर्देशक प्रमोद निर्वाणले बताएका छन्।