नेपाली कांग्रेसका वरिष्ठ नेता रामचन्द्र पौडेलले देश अनिर्णयको बन्दी भएको जनाउँदै देश जोगाउने जिम्मा कांग्रेसको काँधमा आएको बताएका छन् ।

नेपाल प्रेस युनियन कास्कीद्वारा सञ्चालित पूर्णप्रसादरमाया शान्ति पत्रकारिता पुरस्कार अर्पण कार्यक्रममा नेता पौडेलले अहिलेको अवस्थामा पार्टी सभापति शेरबहादुर देउवाको मौनता रहस्यमय लागेको जनाउँदै नेपाली राजनीतिमा कांग्रेसको भूमिका ठूलो रहेको बताए ।‘संसद्मा हाम्रो संख्या थोरै होला तर हाम्रो भूमिका महत्त्वपूर्ण छ, अब ढुलमुलरूपमा बस्नु हुन्न देशलाई निकास दिनुपर्छ,’ उनले भने । उनले आफू निर्णायक भूमिकामा नभएकाले अहिले सुझाव मात्र दिन सक्ने बताए ।

वरिष्ठ नेता पौडेलले मुलुकलाई सही ढंगले चलाउने सक्ने पार्टी कांग्रेस मात्र रहेको दाबी समेत गरे ।