काठमाडौं । जनता समाजवादी पार्टीका संघीय परिषद्का अध्यक्ष डा. बाबुराम भट्टराईले जसपाबारे जान्नै पर्ने कुरा भन्दै तीन बुँदा ट्वीट गरेका छन्। पूर्वप्रधानमन्त्रीसमेत रहेका डा. भट्टराईले शनिवार साँझ यी बुँदा ट्वीट गरेका हुन्।

प्रधानमन्त्री केपी शर्मा ओलीको सरकारको विकल्प खोजी जारी रहेको बेला बाबुरामले जसपालाई तासको जोक्कर नठान्न आग्रह गरेका छन्। उनले सत्तारुपी जुवाको खालको च्याँखेदाउ थाप्ने खेलाडी जसपा नभएकोसमेत प्रस्ट्याएका छन्।उनले गणतन्त्र, संघीयता,धर्मनिरपेक्षता र समावेशी लोकतन्त्र विरूद्ध कसैसँग सम्झौता नगर्ने पार्टी जसपा नै भएको दावी गरेका छन् ।