काठमाडौं । नेकपा एमालेका नेता माधवकुमार नेपालले हिम्मतका साथ अगाडि बढनुपर्ने समय आएको बताएका छन् । अहिलेको अवस्थामा केही पार्टी नेता तथा कार्यकर्तामा निरासा छाउनसक्ने भन्दै उनले हिम्मतका साथ अगाडि बढ्नुपर्ने बताएका छन् ।

“हाम्राबीचमा धेरै विवाद भए, अनेक अवस्था आए । हामी कहिले विचलित भएनौं । अहिलेको चुनौतीबाट आत्तिएका छैनौं र आत्तिनु पनि हुन्न,” आफू पक्षधर केन्द्रीय कमिटीको बैठकमा उनले भने, “अहिले अवस्था देखेर साथीहरूमा निरासा होला ।
केही होला की भन्ने डर पनि होला । तर, हिम्मतका साथ अगाडि बढनुपर्छ । जनताको अपेक्षा र विश्वास छ । सैद्धान्तिक सोच र धारणाबाट हामीले अगाडि बढ्नुपर्छ ।”