नेपाली कथानक चलचित्र ‘जिन्दाबाद’मा सौगात मल्ल र दयाहाङ राई फाइनल भएका छन् । उनीहरुले कथा मन पराएपछि उनीहरु दुबै फाइनल भएका हुन् ।

“मैले सौगात र दया दाइलाई स्क्रिप्ट दिएको थिएँ । पढिसकेर उहाँहरुले राम्रो लाग्यो भन्नु भएको छ । त्यसैले उहाँहरु चलचित्रमा अभिनय गर्ने करिब फाइनल जस्तै हो,” निश्चल बस्नेतले भनेका छन् । चलचित्र ‘जिन्दाबाद’लाई निश्चल बस्नेतले निर्देशन गर्दैछन् । यो चलचित्रको कथा साहित्यकार बुद्दिसागरले लेखेका हुन् ।

“म अहिले झापामा छु । केही दिनमा काठमाडौं फर्किए पछि बाँकी कलाकार छनोट सुरु गर्नुपर्ने छ,” निश्चल भन्छन् । वैशाख अथवा जेठमा चलचित्र छायांकन गर्ने तयारी रहेको उनले जानकारी दिए ।