काठमाडौं। इंग्लिस प्रिमियर लिग फुटबल अन्तर्गत गएराति भएको खेलमा साविक विजेता लिभरपुल पराजित भएको छ । घरेलु मैदानमा भएको खेलमा लिभरपुललाई बर्नलीले १-० ले हराएको हो ।

बर्नलीको जीतमा एस्ले बार्नसले ८३औं मिनेटमा पेनाल्टीमार्फत गरेको गोल नै निर्णायक बनेको थियो । लिभरपुलका गोलरक्षक एलिसनले बार्नसलाई फल गरेपछि प्राप्त पेनाल्टीमा उनी आफैंले गोल गरेका हुन् ।
बर्नलीले लिभरपुलको घरेलु मैदान एनफिल्डमा सन् १९७५ पछि पहिलोपटक लिग खेलमा जीत निकालेको हो । यस हारसँगै लिभरपुलको घरमा अपराजित यात्रा टुंगिएको छ ।