जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले चुनावको घोषणा माछा मार्नका लागि थापिएको बल्छी जस्तै भएको टिप्पणी गरेका छन् ।

प्रधानमन्त्री केपी शर्मा ओलीले गराउन खोजेको चुनाव कम्बोडियामा प्रधानमन्त्री हुनसेनले गरेजस्तो भएको उनले आरोप लगाए ।

कैलालीको टीकापुरमा आयोजित सभालाई बुधवार सम्बोधन गर्दै भट्टराईले अहिले चुनाव हुन्छ र सत्तामा पुग्छौ भनेर र्‍याल नकाढ्न काग्रेससँग आग्रह गरेका हुन ।‘प्रधानमन्त्री ओलीले गराउन खोजेको चुनाव कम्बोडियामा हुनसेनले गराएजस्तो हो, ३० वर्षसम्म सरकारको नेतृत्व गरेका हुनसेनले पनि बेलाबखत चुनाव गराएर ९० प्रतिशत सिट जित्ने गर्छन,’ भट्टराईको भनाई थियो ।