चन्द्रागिरी हिल्स लिमिटेडको आइपीओ भर्नेले चन्द्रागिरी केबलकारमा २५ प्रतिशत छुट पाउने भएका छन्। कम्पनीको अध्यक्ष चन्द्रप्रसाद ढकालको सभापतित्वमा पुष २९ गते बसेको ११ औं बार्षिक साधारणसभाले यस्तो निर्णय गरेको हो।

बैठकले कम्पनीले स्थानीय तथा सर्वसाधारणको लागि आह्वान गरेको साधारण सेयरमा आवेदन दिने सम्पूर्ण आवेदकहरुलाई केवलकार यात्रामा २५ प्रतिशत छुटको व्यवस्था गरेको हो । चन्द्रागिरि हिल्स लिमिटेडको आइपीओ सबैलाई नपरेपनि कम्पनीलाई बिश्वास गरेर आइपीओ भरेकाले सबैलाई केबलकारमा २५ प्रतिशत छुट दिने निर्णय गरिएको कम्पनीका अध्यक्ष चन्द्र ढकालले जानकारी दिए।

स्थानीय वासिन्दा तथा सर्वसाधारणका लागि खुल्ला गरिएको शेयरमा आवेदन दिने १२, ५६, ७४६ (बाह्र लाख छपन्न हजार सात सय छयालिस) आवेदकले शेयर भर्दाको कुनै न कुनै प्रमाण छुट सुविधाका लागि टिकट काउन्टरमा देखाउनुपर्नेछ । साथै यो योजना मिति २०७७ माघ ०५ देखि १ बर्ष सम्मको लागि मान्य हुनेछ ।