काठमाडौं। ब्रेन्टफोर्डलाई पराजित गर्दै टोटनह्याम इंग्ल्यान्डको नकआउट फुटबल प्रतियोगिता लिग कपको फाइनलमा पुगेको छ । लामो संघर्षपछि ठूलो उपाधिनजिक पुग्न टोटनह्यामलाई १३ वर्ष लागेको छ ।

यसअघि सन् २००८ को लिग कप फाइनलमा चेल्सीलाई पराजित गरी उपाधि जितेयता टोटनह्यामले ठूला प्रतियोगिता जित्न असफल हुँदै आएको थियो ।गएराति सम्पन्न खेलमा मोउसा सिसोको र सन ह्युङ मिनको गोलपछि टोटन्हाम उपाधि नजिक पुग्न सफल भएको हो ।