काठमाडौं । स्पेनिस लालिगा फुटबलअन्तर्गत गएराति सम्पन्‍न खेलमा एट्लेटिको मड्रिडले जीत हासिल गरेको छ । घरेलु मैदानमा भएको खेलमा एट्लेटिकोले गेटाफेलाई १-० ले हराएको हो ।

एट्लेटिकोको जीतमा लुइस सुआरेजले पहिलो हाफमा गरेको गोल नै निर्णायक बन्यो । उनले खेलको २०औं मिनेटमा यान्‍निक कारास्कोको पासमा गोल गरेका थिए ।
दोस्रो हाफमा दुवै टोलीले प्रयास गरेपनि थप गोल निस्कन नसक्दा पहिलो हाफको गोल नै एट्लेटिकोको जितमा पर्याप्त बन्यो । यो जीतसँगै एट्लेटिकोको १४ खेलबाट ३५ अंक पुगेको छ ।