चलचित्र ‘एक्टर’मा अभिनेत्री आना शर्मा अनुबन्ध भएकी छन् । यो चलचित्रमा यसअघि नै नायकमा प्रदीप खड्का फाइनल भइसकेका छन् ।

आनाले ‘एक्टर’साइन गरेसँगै प्रदीप र आनाको अनस्क्रिन जोडी बाँधिने भएको छ । आना र प्रदीपले सँगै काम गर्न लागेको यो पहिलो सिनेमा हो ।

राजन भुसालको निर्देशनमा तयार हुन लागेको चलचित्रमा थमन कुमार भण्डारीको लगानी छ । अदृत फिल्मसको प्रस्तुतिमा निर्माण हुन लागेको चलचित्रको सह–निर्मातामा एनिस भुसाल छन् ।

केही महिनामा छायांकन हुने चलचित्र सन् २०२५ मा रिलिज गर्ने निर्माण पक्षले जनाएको छ ।