पूर्व प्रधानमन्त्री माधवकुमार नेपालले प्रधानमन्त्री ओली पहिलेदेखि नै गणतन्त्रविरोधी रहेको बताएका छन्। उनले निरंकुश ढंगबाट अघि बढेका प्रधानमन्त्री केपी ओलीको समय सकिएको बताएका छन् ।

नेकपा प्रचण्ड–नेपाल समूहले प्रधानमन्त्रीको संसद् विघटन गर्ने कदमविरुद्ध आज आयोजना गरेको काठमाडौंको सभालाई सम्बोधन गर्दै उनले प्रधानमन्त्री ओली पहिलेदेखि नै गणतन्त्रविरोधी रहेको बताए ।

उनले गणतन्त्र स्थापना गर्ने विषयमा छलफल हुँदा नेता ओलीले ‘बलयगाडा चढेर वासिङ्टन नपुग्ने’ बताएको भन्दै उनले देशमा गणतन्त्र नचाहेको बताए ।

उनले नेपाली कांग्रेसलगायत सबैले यो कदमलाई असंवैधानिक कदम भनेर आन्दोलन घोषणा गरिसकेकाले यो कदम उल्टने बताए ।

अध्यक्ष नेपालले पार्टीको सल्लाहभन्दा स्वेच्छाचारी ढंगबाट अघि बढेको बताए । उनले प्रधानमन्त्री ओलीमा कम्युनिस्टमा हुनुपर्ने गुण र लोकतन्त्रवादीमा हुनुपर्ने गुणहरू नभएको बताए ।