कास्टिङ कुनै पनि फिल्मको महत्त्वपूर्ण पक्ष हो। तर, सिक्वेल वा फ्रेन्चाइजी फिल्महरूमा निर्माताहरूले मूल फिल्मको मुख्य कलाकारलाई कथाअनुसार अगाडि बढाउने प्रयास गर्छन्।

तर, ‘वेलकम’ फ्रेन्चाइजको तेस्रो फिल्म ‘वेलकम ३’ लाई लिएर निर्माता फिरोज नाडियाडवालाको सोच फरक छ।

यसअघि नाना पाटेकर र अनिल कपुरको स्थानमा सञ्जय दत्त र अरशद वारसीले डन भाइ उदय शेट्टी र मजनु भाइको भूमिकामा अभिनय गर्ने बताइएको थियो। त्यसपछि यो फिल्ममा अभिनेता सुनिल शेट्टी पनि महत्वपूर्ण भूमिकामा रहने जानकारी आएको थियो।

अब अभिनेता बबी देओल फिल्ममा आउने खबर छ। ‘वेलकम ३’ का कलाकारमा सकेसम्म धेरै ठूला र चर्चित स्टारहरू राख्ने निर्माताको योजना छ। यही योजनामा बबीलाई फिल्ममा समावेश गरिएको हो।

उनको भूमिका फिल्मको मुख्य पात्रमध्ये एक हुनेछ। फिल्ममा अक्षय कुमार राजीवको भूमिकामा देखिनेछन्, जबकि फ्रेन्चाइजको दोस्रो फिल्म ‘वेलकम ब्याक’मा जोन अब्राहम मुख्य भूमिकामा छन्। यो चलचित्रको छायांकन आउँदो वर्षबाट सुरु हुने बताइएको छ।फिल्मका लागि अक्षय, सञ्जय, अरशद, बाबी र सुनील बाहेक तीन चर्चित नायिकालाई बनाउने योजना छ। यद्यपी उनीहरुको नामबारे अहिलेसम्म कुनै जानकारी आएको छैन।