विगत दुई वर्षदेखि रणवीर कपुर ठूलो पर्दामा देखिएका छैनन् । दर्शकले उनको फिल्मको प्रतीक्षा गरिरहेका छन् ।लामो समयदेखि रणवीर अयान मुखर्जीको फिल्म ‘ब्रह्मास्त्र’ को शूटिङमा व्यस्त छन् । फिल्ममा आलिया भट्ट र अमिताभ बच्चन पनि छन् ।

पछिल्लो समय रणवीर अर्को एक फिल्मका कारण पनि चर्चामा छन् । जसको निर्देशन सन्दीप रेड्डीले निर्देशन गर्नेछन् । सन्दीप रेड्डीले उनै हुन् जसको फिल्म ‘कबीर सिंह’ ले बक्स अफिसमा धमाका मच्चाएको थियो ।

सन्दीप रेड्डीको यो फिल्मको नाम पहिले ‘डेविल’ राखिएको थियो । तर, अब यो शीर्षकलाई बदलेर ‘एनिमल’ राखिएको छ । किनकि, उक्त नाममा साजिद नाडियाडवालाले एक फिल्म पहिले नै दर्ता गराएका थिए ।
फिल्म युनिटले साजिदसँग शीर्षकका लागि छलफल गरेको थियो । तर, साजिदले यो शीर्षक उपलब्ध गराउन अस्वीकार गरे ।

खबरका अनुसार, रणवीर कपूरको यो फिल्म एक प्रतिबन्धित ग्याङस्टर ड्रामामाथि हुनेछ । फिल्मलाई भुषण कुमार र मुराद खेतानीले निर्माण गर्नेछन् ।