मुकुन्द भट्टको निर्देशनमा फिल्म ‘चोर पुलिसः टम एन्ड जेरी’ बन्ने घोषणा भएको छ। बुधवार निर्माण टिमले एक पोस्टर सार्वजनिक गर्दैँ फिल्मको घोषणा गरेको हो।

कमेडी जनारामा बन्ने फिल्ममा सुदीप चन्द्र बख्रेल निर्माताका रुपमा रहेका छन्। फिल्मको कथा निर्देशक भट्टसँगै नरेश नाथ योगी र सुमन सुनारले लेखेका हुन्।

फिल्ममा सौगात मल्ल, अर्पण थापा, शक्ति श्रेष्ठ, पुष्प खड्का, अनुपविक्रम शाही, कामेश्वर चौरसिया लगायतको अभिनय रहनेछ। मुख्य अभिनेत्रीको भने टुंगो लागेको छैन।

फिल्मको छायाङ्कन अमेरिका, क्यानडा, अस्ट्रेलिया र नेपालमा हुने बताइएको छ।