सोनी पिक्चर्स इन्टरनेशनल र रेनेसान्स पिक्सर्चद्वारा निर्मित हिन्दी फिल्म भिटी–१३ ‘वर्किङ टाइटल’ को छायांकन नेपालमा सम्पन्न भएको छ। मार्च ३ देखि ९ सम्म छायांकन तालिका रहेको यो फिल्मको नेपालमा छायांकन सम्पन्न भएको हो। यो चलचित्र लाङटाङ उपत्यका क्षेत्र, सिन्धुपाल्चोक जुगल हिमाल र परिधिमा छायांकन गरिएको हो। अल्टिच्युड एयरको हेलिकप्टर र क्याप्टेन विवेक खड्काको उडानबाट सबै दृश्य खिचिएको थियो।शक्ति प्रताप सिंह हाडाले निर्देशन गरेको यो चलचित्र सत्य घटनाबाट प्रेरित रहेको चलचित्रमा वरुण तेज र मानुषी छिल्लर मुख्य भूमिकामा छन्।

चलचित्र निर्माण चरणमा रहेको र नेपाल चलचित्रको दोस्रो छायांकन तालिका हो। फिल्मको छायांकन हरि के वेदान्तम हुन् भने कथा आमिर खान, सिद्धार्थ राज कुमार र शक्ति प्रताप सिंहको रहेको छ।

फिल्मका लाईन प्रोड्युसर फुर्वा शेर्पा हुन्। शेर्पा रेकर्ड होल्डर निर्माता र निर्देशक हुन्। उनले सीएनएन, नेशनल जियोग्राफिक, एबीसी र लन्डन स्थित स्टोरीटेलर्स उत्पादन कम्पनीका लागि धेरै अन्तर्राष्ट्रिय परियोजनाहरूमा काम गरेका छन्।