राजु गिरीको निर्देशनमा बन्ने फिल्म ‘नम्बरी सुन’ को छायाङ्कन सुरु भएको छ। शुक्रवार ललितपुर सिकाली चौरस्थित मन्दिरमा पूजा गर्दै फिल्मको सुटिङ सुरु गरिएको हो।

फिल्मको एक गीतको सुटिङसँगै छायाङ्कन सुरु गरिएको निर्माण पक्षले बताएको छ। छायाङ्कन सेटबाट सार्वजनिक भएको फोटोमा मुख्य कलाकार गौरव पहारी र नम्रता श्रेष्ठलाई देख्न सकिन्छ।

नारायण खातीको कथा तथा प्रस्तुतीमा निर्माण हुने फिल्ममा गौरव र नम्रताका साथै सरोज खनाल, राजाराम पौडेल, बुद्धि तामाङ, किरण नेपाली लगायतका कलाकारको अभिनय रहनेछ।

शिभम् अधिकारीको पटकथा तथा संवाद लेखन रहेको फिल्ममाई सरोज खाती, सविन खाती र मनोज रिजालको लगानि रहनेछ। यो फिल्म लमजुङको भुजुङ्ग गाउँ, मनाङ र काठमाडौंका विभिन्न ठाउँमा छायाङ्कन गरिनेछ।