चलचित्र ‘प्रकाश-२’ बनाउने तयारी निर्माण टिमले गरिरहेको बताइएको छ । यद्यपि, यसको औपचारिक घोषणा भने निर्माण पक्षसँग जोडिएका कसैले पनि गरिसकेको छैन ।

कलाकार, लेखक र निर्माताले ‘प्रकाश-२’ बनाउन निर्देशक दिनेश राउतलाई आग्रह गरिरहेको स्रोतले बताएको छ । निर्देशक भने अर्कै चलचित्र बनाउने अथवा ‘प्रकाश-२’ बनाउने निर्णयमा पुगिनसकेको स्रोतको भनाइ छ ।निर्माता, कलाकार र लेखक तीनवटै पक्ष निर्देशकको निर्णयको पर्खाइमा रहेको बताइएको छ । दिनेश राउत केही समययता पोखरामा छन् । ‘प्रकाश’ निर्माता महेन्द्र अधिकारी अष्ट्रेलियामा छन् । मुख्य कलाकार प्रदीप खड्का मुम्बईमा छन् ।

भदौ १० गते प्रदर्शन भएको चलचित्रले मिश्रित समीक्षा पाएको थियो ।