भारतीय आयल कर्पोरेसन (आईओसी)ले पेट्रोलियम पदार्थको मूल्य घटाएर पठाएको छ । आईओसीले पेट्रोल, डिजेल र हवाई इन्धनको मूल्य घटाएर पठाएको नेपाल आयाल निगमले जनाएको छ ।

नयाँ मूल्य अनुसार भारतबाट पेट्रोलको मूल्य प्रतिलिटर ६ रुपैयाँ ५५ पैसा घटेर आएको छ । यस्तै, डिजेलको मूल्य भने प्रतिलिटर ४२ पैसामात्र घटेको छ ।हवाई इन्धनको मूल्य प्रतिलिटर एक रुपैयाँ घटेको निगमले जनाकारी दिएको छ ।

मूल्य घटेर आउदाँ पनि निगम अहिले मासिक १७ करोड घाटामा रहेको निगमले जनाएको छ । पेट्रोलियम पदार्थको मूल्य समायोजन हुने बारेमा भने निर्णय भएको छैन ।