स्वस्तिमा खड्काको मुख्य भूमिका रहेको फिल्म ‘बुलबुल’अमेजन प्राइममा रिलिज भएको छ।

डिजिटल प्लेटफर्म अमेजन प्राइममा फिल्म उपलब्ध भएको निर्माता अबिरल थापाले फेसबुकमार्फत जानकारी दिए। उनका अनुसार यो फिल्म अमेरिका, युके, जर्मनी र जापान लगायतका देशका दर्शकले अमेजन प्राइममा हेर्न पाउनेछन्।

‘बुलबुल’मा स्वस्तिमा खड्काले टेम्पो चालकको भूमिका निर्वाह गरेकी छिन्। स्वस्तिमाका साथै मुकुन भुसाल, बुद्धि तामाङ, दीपक क्षेत्री, लक्ष्मी बर्देवा, जोयश पाण्डे, उज्जल अधिकारी, सृष्टि भट्टराईको अभिनय छ। फिल्मलाई अबिरल थापाका साथै पुरुषोत्तम पाण्डे, भिम थापा र राजु पौडलले मिलेर बनाएका हुन्।

विनोद पौडेलको कथा, पटकथा र निर्देशन रहेको यो फिल्म नेपालमा तीन वर्ष अघि नै रिलिज भइसकेको छ। समीक्षात्मक हिसाबले पनि यो फिल्म उत्कृष्ट ठहरिएको थियो।

यसै फिल्ममार्फत स्वस्तिमाले ‘सार्क फिल्म फेस्टिभल’मा ‘बेष्ट पफर्मर जुरी अवार्ड २०१९’को उपाधि जितेकी थिइन्। फिल्मले थुप्रै राष्ट्रिय पुरस्कारका साथं अन्तर्राष्ट्रिय अवार्ड समेत हात पारिसकेको छ।