रंगकर्मी, कलाकार तथा निर्देशक अनुप बरालको निर्देशनमा बनेको फिल्म ‘दोख’ असार २४ गते प्रदर्शन हुने भएको छ। फिल्मको निर्माण पक्षले फिल्मको पोस्टर सार्वजनिक गर्दै प्रदर्शन मितिबारे जानकारी दिएको हो।

फिल्ममा दिया मास्के, मनिष निरौला, लोकमनी सापकोटा, माओत्से गुरुङ, रोय दिभ, सुरज मल्ल लगायतका कलाकारको अभिनय छ। फिल्ममा कथा रजत कठेतको रहेको छ। श्रवण मुकारुङका गीत, आभासको संगीत र पुष्पा संगमको पार्श्वध्वनीले सजिएको यो फिल्मलाई निमेश श्रेष्ठले सम्पादन गरेका छन्।

फिल्मलाई सविन ज्ञवाली र मनोज अधिकारीले संयुक्त रुपमा निर्माण गरेका हुन्। फिल्म ‘एसजिटी प्रोडक्सन्स’, ‘ग्रिन हिल्स इन्टरटेनमेन्ट’, ‘हाइलाइट्स नेपाल’ र ‘एक्टर्स स्टुडियो’को संयुक्त ब्यानरमा निर्माण भएको छ।