सत्ता साझेदार दल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ चुनावी सभाका लागि देश दौडाहामा निस्किएका छन् ।

प्रचण्डको सचिवालयले दिएको जानकारी अनुसार सत्ता गठबन्धन र पार्टीका उमेदवार जिताउन प्रचण्ड देश दौडाहमा निस्किएका हुन् ।अध्यक्ष प्रचण्डले आज चितवनको भरतपुरमा हुने गठबन्धनको चुनावी सभालाई सम्बोधन गर्नेछन् । वैशाख २३ गते काठमडौंमा हुने चुनावी सभालाई सम्बोधन गर्नेछन् । २४ गते दाङको घोराहीमा हुने चुनावी सभामा भाग लिनेछन् ।

सचिवालयका अनुसार प्रचण्ड २५ गते कालीकोट, २६ गते तनहुँको बन्दीपुर र २७ गते बाराको जितपुर सिमरामा हुने चुनावी सभामा पुग्नेछन् ।