टेलिभिजन रियालिटी शो ‘हिमालय रोडिज सिजन ४ को उपाधि नसिब तामाङले जितेका छन्। सोमबार राति भएको ग्राण्ड फिनालेमा रोशन श्रेष्ठलाई पछि पार्दै उनी चौथो संस्करणका विजेता बनेका हुन्।नसिबले अनुप विक्रम शाहीको टिमबाट जितेका हुन्। विजेता भएसँगै उनले १० लाख नगद रूपैयाँ र यामाहा बाइक पनि जितेका छन्।

त्यसैगरि, फस्ट रनरअफ रोशन श्रेष्ठले २ लाख नगद पुरस्कार जिते। यस वर्षको निर्णायकमा रेमन श्रेष्ठ, अनुपविक्रम शाही, दीया मास्के, आशिष राना (लाउरे) रहेका थिए।