नेकपाभित्रको विवाद उत्कर्षमा पुगेका वेला गुटगत भेला तथा कार्यक्रमहरु निरन्तर हुन थालेका छन् ।
शुक्रबार कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल पक्षका विद्यार्थीहरूको भेला थापाथलीमा गरिएको थियो ।
दिउँसो १ बजे सुरु भएको भेलालाई नेकपा स्थायी कमिटी सदस्यहरू अष्टलक्ष्मी शाक्य, पम्फा भुसाल, केन्द्रीय सदस्य लेखनाथ न्यौपाने र रामकुमार झाँक्रीले सम्बोधन गरेका थिए। प्रचण्ड र नेपालनिकट अनेरास्ववियुका विद्यार्थी नेताहरू रञ्जित तामाङ, सुदेश पराजुली, ओसिम आलमलगायतले कार्यक्रमकोे आयोजना गरेका थिए ।