दिवाकर भट्टराईको निर्देशन रहने फिल्म हनी बनी मा अभिनेत्री सारा सिर्पाली अनुबन्धित भएकी छिन्। उनी फिल्ममा मुख्य अभिनेत्रीको भूमिकामा भित्रिएकी हुन्।

फिल्मको कथा अनुसार फिट हुने पात्र भएकाले सारालाई नै रोजेको र हिजो नै सारासँग लिखित सम्झौता भएको निर्देशक भट्टराईले जानकारी दिए।यसअघि पनि फिल्मको मुख्य भूमिकामा लागि अभिनेता अनमोल केसी र सलोन बस्नेत देखिने पक्का भइसकेको छ। यस फिल्ममार्फत साराले पहिलोपटक अनमोलसँग पर्दा सेयर गर्नेछिन्। फिल्ममा सारा र अनमोललाई जोडीको रुपमा देख्न सकिनेछ।

प्रेम कथामा आधारित कथा भट्टराई स्वयंले लेखेका हुन्। रोमान्टिक कमेडी जनरामा निर्माण हुने फिल्मको छायांकन अर्को महिनादेखि सुरु हुनेछ।