एभरेस्ट प्रिमियर लिग (ईपीएल) को विजेताले ५० लाख रुपैयाँ पाउने भएका छन्। ईपीएलले मंगलबार सामाजिक सञ्जालमार्फत २०२१ को सिजनको विजेताले ५० लाख रुपैयाँ पाउने जनाएको हो।प्रतियोगिता असोज ९ देखि २३ सम्म कीर्तिपुरस्थित टीयू क्रिकेट मैदानमा हुनेछ।

त्यस्तै उपविजेता टोलीले १५ लाख रुपैयाँ पाउनेछन्। प्रतियोगितामा विभिन्न ६ शहरका फ्रेन्चाइज टोलीको सहभागिता रहने छ। प्रतियोगितामा ललितपुर प्याट्रिओट्स, काठमाडौं किंग्स ११, भैरहवा ग्लाडिएटर्स, चितवन टाइगर्स, विराटनगर वारियर्स र पोखरा राइनोजले प्रतिस्पर्धा गर्ने छन्।पछिल्लो समय फ्रेन्चाइजी टोलीहरु एकपछि अर्का उत्कृष्ट खेलाडी टिममा भित्र्याउने होडमा छन्। जसमा राष्ट्रिय स्तरमा उत्कृष्ट प्रदर्शन गरिरहेका खेलाडीदेखि टेस्ट रास्ट्रका पूर्वकप्तानसम्म प्रतियोगितामा अनुबन्धन भइसकेका छन्।