काठमाडौं । नेपाली कांग्रेसका नेता गगन थापाले कोरोना महामारीविरुद्ध सम्पूर्ण शक्ति लगाउन प्रधानमन्त्री केपी शर्मा ओलीलाई आग्रह गरेका छन् । शनिबार सामाजिक सञ्जालमार्फत एक भिडियोसहितको सन्देश जारी गर्दै उनले यस्तो आग्रह गरेका हुन् ।
सम्पूर्ण शक्ति महामारीविरुद्धको युद्धमा लगाउनोस् “प्रधानमन्त्रीज्यू, फेरि एकपटक मौका पाउनुभएको छ ।
अब केही दिन तपाईँ अन्य सबै कुरा छोडेर मन, ध्यान, शक्ति, ऊर्जा, संयन्त्र सबै महामारीसँग जुध्न लगाउनुहोस्,” उनले लेखेका छन्, “हामी पनि अबको केही समय तपाईंसँगका सबै असहमतिलाई बिसाएर जनताको जीवनरक्षा गर्न तपाईँको साथमा उभिनेछौँ ।’
उनले कोरोना महामारीविरुद्ध लड्न प्रार्थनाले मात्रै नहुने भन्दै सार्थक प्रयत्न गरिनुपर्नेमा जोड दिएका छन् । अब सम्पूर्ण ध्यान संक्रमण रोकथाम र नियन्त्रणमा केन्द्रित गर्न पनि उनले आग्रह गरेका छन् ।