काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओली र नेता बामदेव गौतमबीच भेट भएको हो। ओली र गौतमबीच बिहीवार बालुवाटारमा भेट भएको एमाले संसदीय दलका प्रमुख सचेतक विशाल भट्टराईले जानकारी दिए।

भेटमा गौतमले केपी ओली देशको प्रधानमन्त्री र एमालेको अध्यक्ष भएको भन्दै ओलीसँगको सम्बन्ध अटुट रहिरहने बताएको प्रमुख सचेतक भट्टराईले जानकारी दिए।

भट्टराईले फेसबुकमा लेखेका छन्, ‘प्रधानमन्त्रीज्यूको निवास बालुवाटारमा प्रमसँगको संवादपछि उहाँले भन्नुभो ‘केपी ओली देशको प्रधानमन्त्री हो, नेकपा (एमाले)को अध्यक्ष हो तर उहाँसँगको मेरो सम्बन्ध पदका कारणले बनेको हैन, जमानादेखिको हो र अटुट रहिरहनेछ।’