काठमाडौं । प्रधानमन्त्री केपी शर्मा ओलीले पुष्पकमल दाहाल र माधव नेपालले प्रतिनिधिसभा पुनस्स्थापनाको खुसियालीमा एक-अर्कालाई लड्डु खुवाएकोप्रति कटाक्ष गरेका छन् । कृषि मन्त्रालयले आयोजना गरेको कार्यक्रममा प्रधानमन्त्री ओलीले संसद् पुनस्स्थापना भएर प्रचण्ड र नेपालले के जिते र? आफूलाई थाहा नभएको बताए ।

सर्वोच्च अदालतको फैसला सामान्य प्रक्रिया भएको भन्दै त्यसमा खुसियालीमा लड्डु खुवाएको भन्दै उनले कटाक्ष गरेका हुन् । “प्रधानमन्त्रीमा रहुन्जेल राम्रो काम गर्छु । हिजो अदालतको फैसलालो असर गरेको त होइन । केही भाइहरूले लड्डु खुवाएछन् खुसी भएर । के जिते र? मलाई थाहा छैन । के पाउँछन् अब हेर्नुछ ।