काठमाडौं। भारत भ्रमणमा रहेको इंग्ल्यान्ड क्रिकेट टोलीले आजदेखि भारतविरुद्धको टेस्ट क्रिकेट श्रृंखला सुरु गर्दै छ ।

श्रृंखलाअन्तर्गतको पहिलो टेस्ट आजदेखि चेन्नईमा सुरु हुँदै छ । खेल नेपाली समयअनुसार विहान पौने १० बजेदेखि सुरु हुनेछ ।
भारत विराट कोहलीको कप्तानीमा मैदानमा उत्रिनेछ भने इंग्ल्यान्डको कप्तानी जो रुटले गर्नेछन् ।
भारतको युवा टोलीले गत महिना अस्ट्रेलियालाई उसैको भूमिमा हराएर लगातार दोस्रोपटक टेस्ट श्रृंखला जितेर घर फर्किएको थियो । एसिया भ्रमणमा रहेको इंग्ल्यान्डको टोली भने श्रीलंकाविरुद्ध उसकै घरमा टेस्ट श्रृंखला २-० ले क्लिन स्वीप गरेर भारत पुगेको हो ।

यसैकारण यी दुवै टोली उच्च मनोबलका साथ मैदानमा उत्रिनेछन् यद्यपि भारतलाई घरेलु मैदान भएकाले केही फाइदा हुनेछ ।