लियोनल मेसीको शानदार खेलको योगदानमा बार्सिलोनाले स्पेनी ला लिगामा बुधबार एथलेटिक बिलबाओमाथि ३-२ को रोमाञ्चक जित निकालेको छ । यससँगै टोली अंकतालिकाको तेस्रो स्थानमा उक्लन सफल भएको छ ।

एथलेटिकले विलियमको गोलमा सुरुआती अग्रता लिएयता पेड्रीले बार्सिलोनाका लागि बराबरी गोल गरेका थिए । त्यसयता मेसीले दुई गोल गर्दै टीमको जितको सम्भावना बलियो बनाए । इकेर मुनियनले एथलेटिकका लागि अन्त्यतिर एक गोल फर्काएका थिए ।
जितसँगै १७ खेलबाट ३१ अंक जोडेको बार्सिलोना तेस्रो स्थानमा उक्लिएको छ। तालिकाको शीर्ष स्थानमा एट्लेटिको मड्रिडले १५ खेलबाट ३८ अंक जोडेको छ भने दोस्रो स्थानमा रहेको रियल मड्रिडले १७ खेलबाट ३६ अंक जोडेको छ।