राष्ट्रिय स्वतन्त्र पार्टी (रास्वपा)का सभापति रवि लामिछानेले मतदाताको शिर झुकाउने काम नगर्ने बताएका छन् । शनिबार भरतपुरमा पार्टी कार्यकर्ताले आयोजना गरेको वनभोज कार्यक्रममा लामिछानेले जनताको मन जित्ने गरी काम गर्ने बताए ।

उनले भने, “सबैभन्दा धेरै मत दिएर पठाउने मतदाताको शिर झुकाउने काम गर्दिनँ । हल्लाको पछाडि दौडिएको भए यहाँसम्म आउन कहाँ दिन्छन् र ? हल्ला चल्दै गर्छ, पाइला बढ्दै गर्छन् ।”उनले आफूलाई विश्वास गरेर मत दिएकामा धन्यवाद समेत दिए । निर्वाचनको समयमा कसैको एक रुपैयाँ खर्च नगरी चुनाव लडेको भन्दै उनले यसलाई आउँदा दिनमा पनि निरन्तरता दिने बताए ।