राष्ट्रिय स्वतन्त्र पार्टी (रास्वपा)का सभापति रवि लामिछानेले संगठित रूपमा आफूलाई घेराबन्दीमा पार्ने षड्यन्त्र भएको बताएका छन् ।

मंगलबार रास्वपाले काठमाडौंमा आयोजना गरेको चियापान कार्यक्रममा सभापति लामिछानेले राज्य र विभिन्न शक्तिहरूले सहकारीको विषयलाई लिएर आफूलाई घेराबन्दीमा पार्ने षड्यन्त्र गरेको बताएका हुन् । उनले आफूले जनताका अगाडि शिर निहुरिने कुनै काम नगरेकाले घेराबन्दीमा पार्ने षड्यन्त्र सफल नहुने उल्लेख गरे ।

उपप्रधान एवं गृहमन्त्रीले चाहेको भए सहकारी पीडितको समस्या समाधान भइसक्ने भएपनि आफ्नो पछाडि मात्रै लाग्ने काम भएको तर्क गरे । मुलुकलाई अघि बढाउन राम्रो नेतृत्व र राम्रा नीति चाहिने भएकाले नीति निर्माणमा हस्तक्षेप गर्ने उदेश्यका साथ पार्टी अघि बढेको धारणा राखे । आफू र पार्टीलाई जनताले गर्ने प्रश्नले सुधारको बाटो देखाउने बताए ।

त्यस्तै, लामिछानेले देश बनाउने मुद्दामा दलहका नेताहरूबीच मतभेद भएपनि स्वार्थका विषयमा भने शीर्ष भनिएका दलहरू एक हुने गरेको पनि बताए ।