टोकियोको हानेदा विमानस्थलको धावनमार्गमा मंगलबार कोस्ट गार्डको विमानसँग ठोक्किएपछि जापान एयरलाइन्सको विमानमा आगलागी भएको  छ ।

एयरबस विमानमा रहेका सबै ३६७ यात्रु र १२ जना चालक दलका सदस्यलाई बाहिर निकालिएको एनएचकेले जनाएको छ। क्योडो न्यूज रिपोर्टका अनुसार जहाजमा आठ बालबालिका पनि थिए।

तटरक्षक विमानमा रहेका ६ जना चालक दलका सदस्यमध्ये एकजना सकुशल रहेको एनएचकेले जनाएको छ तर अन्य पाँचजना बेपत्ता छन्।

घटनाको कारण तत्काल स्पष्ट हुन सकेको छैन। जिजी समाचार एजेन्सीका अनुसार सोमबार मध्य जापानमा गएको शक्तिशाली भूकम्पपछि उद्धार कार्यमा सहयोग गर्न कोस्ट गार्डको विमान प्रस्थान गर्ने तय भएको थियो।