नेपाली बजारमा केहि दिन लगातार घटेको सुनको मूल्य आज फेरि बढेको छ । हिजो सुनको मूल्य प्रतितोला एक लाख १५ हजार रुपैयाँमा कारोबार भएकोमा आज सात सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख १५ हजार ७ सय रुपैयाँ रहेको छ भने तेजावी सुनको मूल्य प्रतितोला एक लाख १५ हजार १५० रुपैयाँ रहेको छ ।

त्यस्तै, आज चाँदीको मूल्य पनि बढेको छ । हिजो चाँदीको मूल्य प्रतितोला एक हजार ३८५ रुपैयाँमा कारोबार भएकोमा आज प्रतितोला एक हजार ४०५ रुपैयाँ  मूल्य कायम भएको महासंघले जनाएको छ ।