नेपाली कांग्रेसका महामन्त्री गगन थापाले सरकार नागरिकको अपेक्षा अनुसार काम गर्न केन्द्रीत हुनुपर्ने बताएका छन् ।

शुक्रबार काठमाडौंमा आयोजित एका कार्यक्रमलाई सम्बोधन गर्दै महामन्त्री थापाले भ्रष्टाचारसँग जोडिएका कतिपय ठूला काण्डहरुमा सरकारले गरेको निर्णयमा शत प्रतिशत समर्थन रहेपनि नागरिकको अन्य अपेक्षा अनुसार काम गर्न सरकार केन्द्रीत हुनुपर्ने बताएका हुन् ।

सरकारले भ्रष्टाचारविरोधी काम गरेको कुरामा समर्थन रहेपनि डेलिभरको सन्दर्भमा अहिले पनि आक्रोश रहेको उनले बताए ।

उनले आर्थिक संकटताको अवस्थामा सरकारले चुस्तताका साथ काम गर्न नसकेको धारणा राखे । थापाले बालुवाटारमा बसेर सांसदलाई टाउको गन्दै ठिकठाक भनेपनि वास्तविक रुपमा त्यो ठिकठाक नहुन पनि सक्ने बताए ।