भनिन्छ कीर्तिमान तोडिनका लागि नै बन्छन् र फरि त्यस्तै भएको पनि छन्। रियल भालाडोलिडविरुद्ध गएराति भएको खेलमा मेस्सीले एक गोल गरेपछि एकै क्लबबाट सर्वाधिक गोल गर्ने कीर्तिमान आफ्नो नाममा लेखाएका छन् ।
उनले ब्राजिलियन लेजेन्ड पेलेको नाममा रहेको उक्त कीर्तिमान तोडेका हुन् । पेलेले ब्राजिली क्लब सान्तोसबाट ६४३ गोल गर्दा मेस्सीले बार्सिलोनाको लागि ६४४ गोल गरेका हुन् ।
अर्जेन्टिनी फरवार्ड लियोनेल मेसीको कीर्तिमानी गोलमा बार्सिलोनाले स्पेनिस लालिगामा सहज जीत निकालेको छ । गएराति भएको खेलमा बार्सिलोनाले रियल भालाडोलिडलाई उसैको मैदानमा ३–० ले हराएको हो ।

बार्सिलोनाको जीतमा कप्तान लियोनल मेसी, क्लेमेन्ट लेङ्लेट र मार्टिन ब्रेथवेटले १(१ गोल गरे । बार्सिलोनाले खेलको २१औं मिनेटमा क्लेमेन्ट लेङ्लेटको गोलबाट अग्रता लिएको थियो । उनले कप्तान लियोनेल मेस्सीको पासमा गोल गरेका थिए ।३५औं मिनेटमा मार्टिन ब्रेथवेटले सर्जिनो डेस्टको पासमा गोल गर्दै बार्सिलोनाको अग्रता दोब्बर पारे ।
६५औं मिनेटमा पेड्रीको पासमा मेस्सीले गोल गर्दै बार्सिलोनाको जित पक्का गरे ।