क्यामरुन ग्रिनको आक्रामक शतकप्रेरित मुम्बई इन्डियन्सले सनराइजर्स हैदरबादविरुद्ध आठ विकेटको सहज जित निकाल्दै इन्डियन प्रिमियर लिग (आईपीएल) को प्लेअफमा पुग्ने सम्भावनालाई कायम राखेको छ ।

ग्रिनले शतक बनाउँदा आइतबार जित्नैपर्ने खेलमा हैदराबादले प्रस्तुत गरेको २०१ रनको लक्ष्य मुम्बईले १८ ओभरमा दुई विकेट गुमाएर पूरा गर्‍यो ।

मुम्बईको जितमा ग्रिनले ४७ बलमा समान आठ चौका र छक्कासहित अविजित १०० रन बनाए । कप्तान रोहित शर्माले ३७ बलमा आठ चौका र एक छ्क्कासहित ५६ रन जोडे ।

यी दुईले दोस्रो विकेटका लागि १२८ रनको साझेदारी गरेका थिए । सूर्यकुमार यादवले २५ रन थपे ।

हैदराबादका भुवनेश्वर कुमार र मयन्क डगरले एक-एक विकेट लिए ।