ॐ यस्तो शब्दहो जसको कुनै न कुनै रुपमा सबै धर्म सम्प्रदायहरुमा प्रयोग भएको छ । हिन्दु, बौद्ध, जैन, सिखलगायत अनेक सम्प्रदायमा यस शब्दलाई अवतार पुरुषहरुले उच्च सम्मान दिएका छन् । ॐ शब्द नभएर एक प्रकारको चिन्ह पनि हो ।

भगवानले मनुष्यलाई दिएको अनुपम उपहार मानिन्छ, ॐ । ओमकारबाट नै ब्रह्माजीले अ देखि औसम्मका स्वर र क देखि ह सम्मका व्यंजन, ह्रस्व, दीर्घ आदिले युक्त वर्णमाला बनाएको विश्वास गरिन्छ । जसबाट चार वेदहरु प्रकट भए । यसरी सम्पूर्ण वेद ॐ को विस्तार मात्र हो भन्ने मान्यता छ ।मानिसले हरबखत ॐ उच्चारण गरे कुनै पनि बाहिरी भय नहुने र बिघ्न हट्ने धार्मिक विश्वास छ । अझ एकाबिहानै उठेर ॐ उच्चारण गर्ने व्यक्तिलाई यसले शान्तिदिने र आनन्दको अनुभव गराउँद छ । ॐ उच्चारणले स्वास्थ्यमा पनि अनेकौ लाभ प्राप्त हुन्छ ।

ॐ उच्चारण गर्दा गलामा कम्पन उत्पन्न हुन्छ जसका कारण मेरुदण्डको हाड प्रभावित हुन्छ । दिनभरि कामगर्ने क्षमता यसबाट बढ्छ । यसले तपाईंलाई सक्रिय राख्ने काम गर्दछ । ॐ को उच्चारण गर्दै प्राणायाम गरेमा कमजोर फोक्सो पनि बलियो भएर जाने र दमको रोगमा समेत लाभ मिल्ने गर्दछ ।