प्रतिनिधिसभा सदस्य उपनिर्वाचनअन्तर्गत तनहुँ–१ मा राष्ट्रिय स्वतन्त्र पार्टीका स्वर्णिम वाग्लेले १० हजार मत कटाएका छन्।

पछिल्लो परिणामअनुसार वाग्ले नेपाली कांग्रेसका गोविन्द भट्टराईभन्दा दोब्बर मतले अगाडि छन्।

बिहान १०ः१५ बजेसम्म १८ हजार ६६१ मतगणना हुँदा वाग्लेले १० हजार २५९ मत प्राप्त गरेका छन्।

कांग्रेसका भट्टराई पाँच हजार तीन मतसहित दोस्रो स्थानमा छन्। एमालेका सर्वेन्द्र खनाल दुई हजार ७९७ मत ल्याएर भट्टराईलाई पछ्याइरहेका छन्।

तनहुँ–१ मा आइतबार भएको उपनिर्वाचनमा ६३ हजार ७५७ मत खसेको थियो। हालसम्म ८ वडाको मतगणना सकिएको छ।