नेपाली बजारमा सुनको मूल्यमा सामान्य गिरावट भएको छ । सोमबार प्रतितोला एक लाख तीन हजार दुई सय रुपैयाँमा कारोबार भएकोमा आज दुई सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख तीन हजार रुपैयाँ कायम भएको छ भने तेजावी सुनको मूल्य प्रतितोला एक लाख दुई हजार पाँच सय रुपैयाँ कायम भएको महासंघले जनाएको छ ।

त्यस्तै, आज चाँदीको मूल्य प्रतितोला एक हजार दुई सय ९० रुपैयाँ रहेको महासंघले जनाएको छ ।