गएराति सम्पन्न इंग्लिस प्रिमियर लिग फुटबल अन्तर्गत खेलमा म्यानचेस्टर युनाइटेले जीत निकालेको छ । सेफिल्डको घरेलु मैदानमा भएको खेलमा युनाइटेड ३ -२ ले विजयी भएको हो ।

युनाइटेडको जीतमा मार्कस रासफर्डले दुई तथा एन्थनी मार्सियालले एक गोल गरे । सेफिल्डका तर्फबाट दुवै गोल डेभिड मेकगोल्ड्रिकले गरेका थिए ।खेलमा सुरुवाती अग्रता भने सेफिल्डले लिएको थियो ।
मेकगोल्ड्रिकले पाँचौं मिनेटमा गोल गर्दै घरेलु टोलीलाई अग्रता दिलाएका थिए । २६औं मिनेटमा रासफर्डले बराबरी गोल फर्काए । ३३औं मिनेटमा मार्सियालले गोल गरेपछि खेलमा युनाइटेडले अग्रता लियो ।
दोस्रो हाफको ५१औं मिनेटमा रासफर्डले व्यक्तिगत दोस्रो गोल गरेपछि युनाइटेड ३-१ ले अघि बढ्यो । खेलको निर्धारित समय सकिनै लाग्दा ८७औं मिनेटमा मेकगोल्ड्रिकले गरेको गोल सान्त्वना बन्यो ।

जीतसँगै १२ खेलबाट २३ अंक जोडेको युनाइटेड अंकतालिकमा छैटौं स्थानमा उक्लिएको छ भने पराजित सेफिल्ड १ अंकसहित पुछारमा रहेको छ ।