नेपाली राष्ट्रिय क्रिकेट टिमको मुख्य प्रशिक्षकमा अस्ट्रेलियन प्रशिक्षक डेभ ह्वाटमोर नियुक्त भएका छन्। नेपाल क्रिकेट संघ (क्यान)ले आज एक विज्ञप्ति निकाल्दै ह्वाटमोरलाई नेपाली टोलीको मुख्य प्रशिक्षकमा नियुक्त गरेको जनाएको हो।

नेपाल र ओमन अमेरिकाबीचको त्रिकोणात्मक सिरिजसँगै यसअघिका भारतीय प्रशिक्षक उमेश पटवालले राजीनामा दिएका थिए। त्यसयता क्यान मुख्य प्रशिक्षकको खोजीमा थियो।

क्यानले ह्वाटमोरसँगै क्यानले जेनेरल म्यानेजरमा रौनकबहादुर मल्ल, चिफ फाइनाइन्स अफिसरमा रमेश कुमार न्यौपाने र क्रिकेट म्यानेजरमा विनोद कुमार दासलाई नियुक्त गरेको छ।