कोभिड१९ का कारण बन्द रहेको हवाई उडान एयर बबल ट्राभल सम्झौताका आधारमा खोल्न दुवै देश सहमत भएपछि आज नेपाल एयरलाइन्सले दिल्लीका लागि पहिलो उडान गर्दैछ ।
अहिले पनि दुई देशका नागरिक मात्रै उड्न पाउने गरी हवाई सेवा सुरु गरिएको हो ।
नेपाल एयरलाइन्सको ए३२० जहाजले बिहान ११.२० बजे उडान गरेको हो । एयरलाइन्सले नेपालबाट १४१ यात्रु लिएर भारत उडेको हो ।
नेपाल वायुसेवा निगमकी प्रवक्ता करिश्मा श्रेष्ठका अनुसार विमानले इकोनोमितर्फ १३५ र बिजनेस क्लासतर्फ ६ जनालाई लिएर भारत उडेको हो ।
भारतबाट आउने यात्रुको संख्या पनि राम्रै रहने उनले बताइन् । नेपाल एयरलाइन्सले अब दैनिक एक उडान काठमाडौं-नयाँदिल्ली काठमाडौं गर्नेछ ।