नेपाली कांग्रेसले आगामी निर्वाचनका लागि तयार पारेको घोषणापत्र सार्वजनिक कार्यक्रम पुन: स्थगित गरेको छ।मंसिर ४ गते हुने प्रतिनिधि सभा र प्रदेश सभा निर्वाचनका लागि तयार पारेको घोषणापत्र आज (सोमबार) सार्वजनिक गर्ने कार्यक्रम तय भएको थियो। पार्टीका मुख्यसचिव कृष्णप्रसाद पौडेलले बिहानै विज्ञप्ति निकालेर अनिश्चितकालका लागि घोषणापत्र सार्वजनिक कार्यक्रम स्थगित गरिएको बताएका छन्।

आइतबार अपरान्ह ५ बजे घोषणा पत्र सार्वजनिक गर्ने कांग्रेसको तयारी भए पनि स्थगित गरिएको थियो। सोमबार बिहान १०:३० बजे घोषणा पत्र सार्वजनिक गर्ने भने पनि आज पनि घोषणा पत्र सार्वजनिक नहुने भएको छ।